आज मिति २०७९ श्रावण ११ गते बुधवार स्वास्थ्य संकट एंव विपद पुर्व तयारी तथा प्रतिकार्य योजना तर्जुमा सम्बन्धी अभिमुखीकरण कार्यक्रम बाणगंगा नगरपालिकाका नगर प्रमुख श्री चक्रपाणी अर्यालज्यूको अध्यक्षतामा कार्यक्रम सम्पन्न भएको छ। उक्त कार्यक्रममा कार्यपालिका सदस्य, विभिन्न शाखाका शाखा प्रमखु, नेपाल प्रहरी, सशत्र प्रहरी,नेपाल रेडक्रस सोसाईटी र विभिन्न गै.स.स हरुको उपस्थिती रहेको थियो ।

आज मिति २०७९।०३।३० गते बाणगंगा नगरपालिकाको एघारौं नगरसभाको अन्तिम बैठक सम्पन्न भएको छ।

 धान उत्पादन प्रर्वद्धन कार्यक्रम ( वाली विकास ) अन्तर्गत तेस्रो चौमासिक समीक्षा गोष्ठी नगर प्रमुख श्री चक्रपाणी अर्यालज्यूको अध्यक्षतामा सम्पन्न भएको छ । उक्त कार्यक्रममा कृषक समुह , कृषि सहकारी र कृषि फर्मका प्रतिनिधिहरूको उपस्थिति रहेको थियो ।

बाणगंगा नगरपालिकाको एघारौं नगर सभाको आ. व ०७९।८० को बजेट सार्वजनीकरण तथा बाल श्रम मुक्त नगर घोषण कार्यक्रम बाणगंगा नगरपालिकाका नगर प्रमुख श्री चक्रपाणी अर्यालज्यूको अध्यक्षतामा सम्पन्न भएको छ। कार्यक्रमको प्रमुख अतिथि राष्ट्रिय सभा सदस्य श्री विमला घिमिरे र विशिष्ट अतिथिहरू लुम्बिनी प्रदेश सभा सदस्य श्री विष्णु पन्थी , संविधान सभा सदस्य श्री विश्राम प्रसाद थारू , जिल्ला समन्वय प्रमुख श्री बाबुराम आचार्य तथा नगर उप प्रमुख श्री रिता कुमारी चौधरी , वडा अध्यक्ष राजनीतिक दलका प्रतिनिधि, नागरिक समाज, पत्रकार र विभिन्न संघ संस्थाका प्रतिनिधिहरूको उपस्थितमा कार्यक्रम सम्पन्न भएको छ । उक्त कार्यक्रममा बाल सहजकर्ताहरू, उत्कृष्ट कार्य गर्ने कर्मचारी, नगरलाई समयमै सबैभन्दा बढी कर तिर्ने करदाता तथा उत्कृष्ट कार्य गर्ने संघ संस्थालाई सम्मान गरिएको थियो । नगरपालिकाले आगामि आर्थिक बर्षका लागि १ अर्ब ४९ करोड १७ लाख ८९ हजार बराबरको बजेट सार्वजनिक गरेको छ ।

आज मिति २०७९।०३।०७ गते बाणगङ्गा नगरपालिकाको वार्षिक नीति तथा कार्यक्रम र बजेट तयारी सम्बन्धि राय सुझाव संकलनको लागि छलफल तथा अन्तरक्रिया कार्यक्रम सम्पन्न भएको छ। कार्यक्रममा माननिय प्रतिनिध सभा सदस्य श्री विश्राम प्रसाद चौधरी, प्रदेश सभा दसस्य श्री विष्णु पन्थी ,  विभिन्न राजनैतिक दलका प्रतिनिधि , नागरिक समाजका प्रतिनिधिहरुको उपस्तिथी रहेको थियो । कार्यक्रमको अध्यक्ष बाणगंगा नगरपालिका नगर प्रमुख श्री चक्रपाणी अर्यालले गर्नुभएको थियो ।

नगर स्तरिय खोप तथा सरसफाई प्रवर्धन कार्यक्रमको समिक्षा तथा अभिमुखिकरण कार्यक्रम बाणगंगा नगरपालिकाको सभाहलमा सम्पन्न भएको छ ।  बाणगंगा नगरपालिकाका  मेयर श्री चक्रपाणी अर्यालज्यूको अध्यक्षता साथै बाणगंगा नगर उप प्रमुख श्री रिता कुमारी चौधरीज्यू लगाएत बाणगंगा नगरपालिकामा स्वास्थ्य सेवामा कार्यरत सम्पूर्ण कर्मचारीको समेत उपस्थिति रहेको थियो ।

आज बाणगंगा नगरपालिका प्रमुख एंव नगर शिक्षा समितिका अध्यक्ष श्री चक्रपाणी अर्यालज्यूको अध्यक्षतामा सामुदायिक विद्यालयका अध्यक्ष र वडा अध्यक्षज्यूहरुको संयुक्त बैठक नगरको शैक्षिक व्यवस्थापन र सुशासन सम्बन्धी विषषमा अन्तरक्रिया कार्यक्रम सम्पन्न भएको छ ।

आज मिति २०७९।०२।१९ गते विहिवारका दिन नगर प्रमुख श्री चक्रपाणी अर्यालज्यूको अध्यक्षतामा बाणगंगा नगरपालिकाको ११६ ‌औं कार्यपालिका बैठक सम्पन्न भएको छ ।

मिति २०७९।०२।१६ र १७ गते नगर प्रमुख श्री चक्रपाणी अर्यालज्यूको अध्यक्षतामा स्थानीय तहका नव निर्वाचित जनप्रतिनिधीहरुको लागि स्थानीय सरकार संचालन सम्बन्धि अभिमुखीकरण तालिम सम्पन्न भएको छ । कपिलवस्तु नगरपालिका प्रमुख प्रशासकिय अधिृकत श्री शेषकान्त पौडेल , बाणगंगाका प्रमुख प्रशासकीय अधिकृत श्री टेकराज पन्थी र प्रशासन शाखा प्रमुख श्री केशवराज भट्टराईले अभिमुखिकरण तालिमको प्रशिक्षकको रुपमा प्रस्तुति गर्नुभएको थियो । साथै दोश्रो कार्यकालमा मेयर बन्नु भएका श्री चक्रपाणी अर्यालले समेत आफ्नो कार्यकालको अनुभव प्रस्तुत गर्नुभएको थियो ।

अनिवार्य  अवकाश प्राप्त हुनुभएका शिक्षा शाखा प्रमुख  श्री बाबुराम भट्टराईलाई एक समारोहबीच मायाको चिनो प्रदान गरि  विदाई गरिएको छ ।साथै यस बाणगंगा नगरपालिकामा  सरुवा भै आउनेलाई स्वागत  पालिकाको सभाहलमा सम्पन्न भएको छ। 

मिति २०७९।०१।०९ गते शुक्रबारका दिन कपिलवस्तु जिल्लाका प्रमुख जिल्ला अधिकारी श्री धर्मेन्द्र कुमार मिश्रज्यूले बाणगंगा नगरपालिकाका प्रमुख प्रशासकीय अधिकृत श्री टेकराज पन्थीज्यूलाई विशेष समारोहबीच पूर्ण खोप नगरपालिकाको प्रमाणपत्र हस्तान्तरण गर्दै बाणगंगा नगरपालिकालाई १२ वर्ष माथि उमेर समूहलाई कोभिड-१९ विरुद्धको खोप सुनिश्चितता गर्नुभएको छ । उक्त कार्यक्रममा प्रमुख जिल्ला अधिकारी श्री धर्मेन्द्र कुमार मिश्रज्यूले कोभिड-१९ को महामारीमा यस नगरलाई विभिन्न तरिकाबाट सहयोग गर्ने संघ संस्था,संचारकर्मी,स्वास्थ्य स्वयसेवीकाहरु, नगरपालिकाका कर्मचारीहरु लगाएतलाई प्रशंसा पत्र हस्तान्त्रण गर्दै उक्त महामारी विरुद्ध खटिनुभएकोमा धन्यवाद समेत व्यक्त गर्नु भयो । प्रमुख जिल्ला अधिकारी श्री धर्मेन्द्र कुमार मिश्रज्यूले यस बाणगंगा नगरबाट गरिएको अथक प्रयासको प्रशंसा गर्दै आगामी दिनमा पनि पुर्ण खोपको अवस्था कायम राख्न नगरपालिका सफल हुने विचार व्यक्त गर्नुभएको थियो ।

सोही कार्यक्रममा बोल्दै बाणगंगा नगरपालिकाका प्रमुख प्रशासकीय अधिकृत श्री टेकराज पन्थीले सम्पुर्ण स्वास्थ्यकर्मी, नगरपालिकाका विभिन्न क्षेत्रमा क्रियाशिल संघ संस्था, कर्मचारी, संचारकर्मी तथा अन्य धेरै निकायको अथक प्रयास र मेहनतले बाणगंगा नगरपालिका कपिलवस्तु जिल्ला मै पहिलो १२ वर्ष माथी उमेर समुहलाई कोभिड १९ विरुद्धको खोप सुनिश्चितता नगरपालिका घोषणा भएको बताउदै सम्पुर्णमा धन्यवाद व्यक्त गर्नुभयो ।

बाणगंगा नगरपालिकाका प्रमुख प्रशासकीय अधिकृत श्री टेकराज पन्थी ज्यूको अध्यक्षता, प्रमुख जिल्ला अधिकारी श्री धर्मेन्द्र कुमार मिश्र ज्यूको प्रमुख आतिथ्यतामा सम्पन्न उक्त कार्यक्रमको संचालन बाणगंगा नगरपालिका स्वास्थ्य शाखा हे.ई. श्री भक्तिराम पाण्डेले गर्नु भएको थियो ।

उक्त कार्यक्रमका केही झलकहरु

बाणगंगा नगरपालिका शिक्षा,युवा तथा  खेलकुद शाखाको आयोजनामा बाणगंगा नगरक्षेत्र भित्रका ब्यक्तिले विद्यावारिधि, एमफिल गरेका, सेवा निवृत प्राध्यापक, शिक्षक शिक्षिकाहरु र नव प्रतिभा विद्यार्थी भाइबहिनीहरुलाई सम्मान तथा पुरस्कार वितरण गर्दाका केही झलकहरु ।

आज मिति २०७८ चैत ३० गते बुधबारका दिन यस वाणगंगा नगरपालिकाको सभाहलमा श्री मंगल प्रसाद थारुज्यूको अध्यक्षतामा कार्यपालिकाको बैठक सम्पन्न भएको छ। उक्त कार्यक्रमका केही तस्बिरहरु 

अनिवार्य  अवकाश प्राप्त हुनुभएका प्रशासन शाखामा कार्यरत श्री हुमकान्त खनाल र स्वास्थ्य चौकी कोपवामा कार्यरत श्री राधा खनाललाई एक समारोहबीच मायाको चिनो प्रदान गरि  विदाई गरिएको छ ।साथै यस बाणगंगा नगरपालिकाबाट अन्यत्र जाने तथा अन्यत्रबाट यस बाणगंगा  नगरपालिकामा  सरुवा भै आउनेलाई स्वागत तथा बिदाइ कार्यक्रम पालिकाको सभाहलमा सम्पन्न भएको छ। 

मिति २०७८।१२।१० गते विहिवारका दिन बाणगंगा नगरपालिकाको दोस्रो सार्वजनिक सुनुवाई कार्यक्रम नगरपालिकाको आयोजना तथा नेपाल पत्राकार महासंघ कपिलवस्तुको सहजिकरणमा बोडगाँउमा सम्पन्न भएको छ ।  उक्त कार्यक्रमको अध्यक्षता यस बाणगंगा नगरपालिकाका नगर प्रमुख श्री मंगल प्रसाद थारुज्यूले गर्नुभएको थियो ।सेवाग्राहिहरुबाट जिज्ञासा,गुनासा,र सुझाब प्राप्त भै सकेपछि उठेका सवालहरुमा आ–आफ्नो शाखा सगं सम्वन्धित बिषयवस्तुहरुमा सम्वन्धित शाखा प्रमुख तथा प्रतिनिधिहरुले स्पष्ट पार्ने,जवाफ दिने कार्य भएको थियो । आएका  कतिपय सुझावहरुलाई मनन् गरि आगामि दिनमा सच्याँउदै लैजाने प्रतिवद्धता समेत व्यक्त गर्नु भएको थियो ।

 आज मिति २०७८ फाल्गुन ३० गते बाणगङ्गा नगरपालिकाको आयोजनमा मुख्यमन्त्री शैक्षिक सुधार कार्यक्रम सम्बन्धी अभिभुखिकरण कार्यक्रम सम्पन्न भएको छ ।

आज मिति २०७८।११।२५ गते बुधवारका दिन बाणगंगा नगरपालिका भित्र रहेका सामुदायिक बनका अध्यक्ष तथा पदाधिकारीहरु संग परिचयात्मक तथा सुझाव संकलन कार्यक्रम सम्कापन्न भएको छ उक्त कार्यक्रमका  केही तस्बिरहरु । 

यही मिति २०७८/११/१३ गते सडक गुरुयोजना तर्जुमा सम्बन्धी छलफल तथा अन्तरक्रिया कार्यक्रम सम्पन्न भएको छ। उक्त कार्यक्रमको अध्यक्षता प्रमुख प्रशासकीय अधिकृत टेकराज पन्थीले गर्नु भएको थियो । कार्यक्रममा वडा अध्यक्ष सचिव तथा तथा सरोकारवालाहरूको उपस्थिति रहेको थियो ।

यस बाणगंगा नगरपालिका भित्र रहेका खाने पानी तथा सरसफाई उपभोक्ता समितिका पदाधिकारीहरु संग  छलफल तथा अन्तकृया कार्यक्रम सम्पन्न भएको छ । 

यस बाणगंगा नगरपालिकामा क्रियाशील पत्रकारहरु सँग परिचयात्मक कार्यक्रम सम्पन्न भएको छ । उक्त कार्यक्रममा नगर भित्रका पत्रकारहरुले पत्रकारीताको क्षेत्रमा भोग्दै आएका समस्या र तिनका सामाधानहरुको बारेमा यस नगरपालिकाका मेयर, प्रमुख प्रशासकीय अधिकृत समक्ष राखेका थिए । सोही कार्यक्रममा बोल्दै प्रमुख प्रशासकीय अधिकृत श्री टेकराज पन्थी ज्यूले पत्रकारहरु राष्ट्रको चौँथो अंग भएको, नगरपालिकाको विकासमा पत्रकारहरु प्रत्यक्ष लाग्नुपर्ने भन्दै  पत्रकारहरुको समस्यालाई नगरपालिकाले हल गर्ने प्रतिवद्दता जनाउनु भएको छ ।

सामुदायिक विद्यालयहरुलाई ल्यापटप वितरण कार्यक्रम
वाणगंगा नगरपालिका अन्तर्गतका सबै सामुदायिक विद्यालयहरुलाई एक कार्यक्रमका बिच मिति २०७८/०९/ का दिन
प्रति विद्यालय एक ल्यापटप वितरण गर्ने काम गरियो । विद्यालयलाई प्रविधिमैत्र बनाउने उदेश्यका साथ विगतका
वर्षहरुमा केही विद्यालयहरुलाई कम्प्युटर उपलब्ध गराईएको , सबै विद्यालयमा नेट जडान गरिएको , केही विद्यालयमा
ICT ल्याव व्यवस्थापन गरिएको थियो भने यस आ. व. मा नगरका सबै सामुदायिक विद्यालयहरुलाई एक विद्यालय एक
ल्यापटप वितरण गरिएको छ ।